Пробиотик нь өдөр тутмын дасан зохицох чадварыг (resilience) хэрхэн дэмждэг вэ?

Пробиотик нь өдөр тутмын дасан зохицох чадварыг (resilience) хэрхэн дэмждэг вэ? 

Амьдралд сорилт, өөрчлөлт үргэлж тохиолддог. Хэдийгээр бид эдгээр сорилтоос бүрэн урьдчилан сэргийлж чадахгүй ч бие махбодынхоо даван туулах, сэргээн дасан зохицох чадварыг дэмжих боломжтой. Дасан зохицох чадвар (resilience) гэдэг нь амьдралын сорилт, стресс болон бусад бэрхшээлийн дараа бие махбод болон сэтгэл санаа эргэн сэргэх чадварыг хэлнэ. Энэ чадвар сайн байх тусам эрүүл мэнд, амьдралын чанараа алдалгүйгээр өдөр тутмын сорилтуудыг амжилттай даван туулах боломжтой.

Дасан зохицох чадварт микробиом ямар үүрэгтэй вэ?

Удамшил болон хүрээлэн буй орчны хүчин зүйлс нь дасан зохицох чадварт нөлөөлдөг ч сүүлийн үеийн судалгаанууд өөр нэг чухал хүчин зүйл болох гэдэсний микробиомын үүргийг онцолж байна. 

Гэдэсний микробиом болон хүний эрүүл мэнд нь хоёр чиглэлтэй харилцан хамааралтай байдаг. Өөрөөр хэлбэл, бидний эрүүл мэнд микробиомд нөлөөлдөгтэй адил микробиом ч бидний эрүүл мэндэд нөлөөлдөг.  Эрүүл мэнд нь бие махбод болон ашигтай бичил биетэнүүдийн хамтын ажиллагааны үр дүн бөгөөд энэ тэнцвэрийг хадгалахад бие махбодын дасан зохицох чадварыг дэмжих нь чухал юм.

Гэдэсний микробиом — зохицуулалтын төв

Гэдэсний микробиом нь хүний биед хамгийн олон бичил биет агуулдаг микробиом юм. Гэдсийг биеийн удирдлагын/ зохицуулалтын төв гэж төсөөлбөл, тэнд байх бичил биетүүд нь тархи, зүрх судас, дархлааны үйл ажиллагаа болон бусад олон эрхтэн тогтолцооны эрүүл мэнд, хэвийн үйл ажиллагааг хангахад “хамтран ажилладаг багийн гишүүд” гэж хэлж болно.

Хамгийн чухал нь тэнцвэр

Гэдсэнд ашигтай болон ашиггүй бичил биетүүдийн тэнцвэр хадгалагдсан үед микробиом нь бие махбодтой зохицон ажиллаж, бие махбодын хэвийн үйл ажиллагааг дэмждэг. Харин энэ тэнцвэр алдагдвал бие махбод үүнийг янз бүрийн шинж тэмдгээр илэрхийлдэг. Микробиомын тэнцвэр алдагдахыг дисбиоз гэж нэрлэдэг. Дисбиоз нь ашигтай бичил биетүүдийн тоо буурах, өвчин үүсгэж болзошгүй ашиггүй бичил биетүүд олшрох эсвэл микробиомын нийт олон янз байдал буурах үед үүсдэг бөгөөд энэ хоол боловсруулах тогтолцоо, дархлаа болон ерөнхий эрүүл мэндэд сөргөөр нөлөөлж болзошгүй.

Эрүүл гэдэсний микробиом, эрүүл дархлаа

Дархлааны эсүүд болон гэдэсний бичил биетүүдийн тогтмол харилцан үйлчлэл нь дархлааны тогтолцооны олон бүрэлдэхүүн хэсгийг идэвхжүүлж, хөгжүүлэхэд чухал үүрэгтэй болохыг судалгаагаар тогтоосон. Тогтмол дасгал хөдөлгөөн булчинг бэхжүүлдэгтэй адил эдгээр харилцан үйлчлэл нь дархлааны тогтолцоог "сургаж", илүү үр дүнтэй дархлааны хариу урвал бүрэлдэхэд тусалдаг. Иймээс гэдэсний микробиомын эрүүл мэндийг дэмжих нь дархлааны тогтолцооны хэвийн үйл ажиллагааг хадгалахад чухал ач холбогдолтой.

Эх сурвалж

1. Tugade MM, Fredrickson BL. Resilient individuals use positive emotions to bounce back from negative emotional experiences. Journal of personality and social psychology. 2004 Feb;86(2):320.
2. Fassarella M, Blaak EE, Penders J, Nauta A, Smidt H, Zoetendal EG. Gut microbiome stability and resilience: elucidating the response to perturbations in order to modulate gut health. Gut. 2020 Oct 13.
3. Abbott A. Scientists bust myth that our bodies have more bacteria than human cells. Nature. 2016 Jan 8;10.
4. Vighi G, Marcucci F, Sensi L, Di Cara G, Frati F. Allergy and the gastrointestinal system. Clin Exp Immunol. 2008 Sep;153 Suppl 1(Suppl 1):3-6. doi: 10.1111/j.1365-2249.2008.03713.x. PMID: 18721321; PMCID: PMC2515351.
5. Ahlawat S, Sharma KK. Gut–organ axis: a microbial outreach and networking. Letters in applied microbiology. 2021 Jun;72(6):636-68.
6. Levy M, Kolodziejczyk AA, Thaiss CA, Elinav E. Dysbiosis and the immune system. Nature Reviews Immunology. 2017 Apr;17(4):219-32.
7. Bear T, Dalziel J, Coad J, Roy N, Butts C, Gopal P. The Microbiome-Gut-Brain Axis and Resilience to Developing Anxiety or Depression under Stress. Microorganisms. 2021 Apr;9(4):723.
8. Leeming ER, Johnson AJ, Spector TD, Le Roy CI. Effect of diet on the gut microbiota: rethinking intervention duration. Nutrients. 2019 Nov 22;11(12):2862.
9. Leeming ER, Johnson AJ, Spector TD, Le Roy CI. Effect of diet on the gut microbiota: rethinking intervention duration. Nutrients. 2019 Nov 22;11(12):2862.
10. Chandrakumaran H, Safdar A, Sager M, Nazli A, Akhtar M. Regular exercise shapes healthy gut microbiome. J Bacteriol Mycol Open Access. 2016;3(3):251-3.
11. Kumar R, Sood U, Gupta V, Singh M, Scaria J, Lal R. Recent advancements in the development of modern probiotics for restoring human gut microbiome dysbiosis. Indian Journal of Microbiology. 2020 Mar;60(1):12-25.
12. Kerry RG, Patra JK, Gouda S, Park Y, Shin HS, Das G. Benefaction of probiotics for human health: A review. Journal of food and drug analysis. 2018 Jul 1;26(3):927-39.